Forefront: Ang Tunay na Pinagmumulan ng Buhay

 Forefront: Ang Tunay na Pinagmumulan ng Buhay

Juan 11:25

“Sinabi ni Hesus sa kanya, ‘Ako ang muling pagkabuhay at ang buhay. Ang sinumang sumasampalataya sa akin, kahit mamatay ay muling mabubuhay.’”

Ang talatang ito ay sinabi ni Hesus nang puntahan Niya ang pamilya ni Lazaro. Ipinapakita nito na Siya ang may kapangyarihan at pinagmumulan ng tunay na buhay. Ang pangako Niya ay hindi lamang tungkol sa buhay pagkatapos ng kamatayan, kundi pati na rin ang pag-asa at bagong simula habang tayo ay nabubuhay pa. Para sa mga naniniwala kay Hesus, hindi ang wakas ang mga pagsubok o kahit ang kamatayan, dahil mayroong pangako ng muling pagkabuhay at walang hanggang buhay.

Sa ating pang-araw-araw na pamumuhay, madalas tayong makaranas ng mga sitwasyon na parang “pagkawala ng buhay” o pag-asa—tulad ng matinding kabiguan, pagkawala ng pinagkakakitaan, sakit, o matinding lungkot. Gayunpaman, ang mensahe ng talatang ito ay nagbibigay sa atin ng lakas ng loob. Ipinapaalala nito na sa pamamagitan ng pananalig kay Hesus, mayroon tayong kakayahang bumangon muli mula sa mga pagkabigo. Ang ating mga pagsubok ay hindi ang katapusan sa halip, ito ay maaaring maging simula ng isang mas matibay at mas makabuluhang buhay. Ang pananalig ay nagsisilbing ating lakas upang harapin ang mga hamon at magpatuloy nang may pag-asa. 

Si Hesus lamang ang Pinagmumulan ng Tunay na Buhay.

 To God be the Glory!